Fan S. Noli – Jeta në Amerikë   nga Mr. Avni Spahiu

Në panairin e fundit të librit në Tiranë, që u mbajtë nga data 1 deri më 6 nëntor, njëri ndër librat e promovuara, ishte edhe libri i Mr. Avni Spahiut, “Fan S. Noli – Jeta në Amerikë”.
Mr. Avni Spahiu, jetën dhe veprimtarinë e Fan Nolit, e kishte edhe tezë të magjistraturës dhe me disa informaione shtesë siç është edhe bashkangjitja e CD-së, me zërin orogjinal të Nolit, e nxori këtë libër, libër i cili do t’I bashkangjitet kompletit të Nolit që do ta botojë Pen Qenda e Kosoves, si vëllimi i 23-të.
Ky libër, siç tregon edhe vet titulli, rrëfen për jetën dhe veprimtarinë e Fan S. Nolit, njërit nga intelektualët më të mëdhenj të shekullit të XX, i cili jetoi dhe veproi në Shtetet e Bashkuara të Amerikës. Në këtë libër, autori përqëndrohet edhe në jetën dhe veprimtarinë e komunitetit shqiptaro – amerikan dhe kontributin e tyre të madh, jo vetëm në çështjen kombëtare, por edhe në drejtim të pasurimit të letrave shqipe në përgjithësi dhe të aktiviteteve kulturore.
Poashtu, rrëfehen edhe kontradiktat e bashkëveprimit midis Fan S. Nolit dhe njërit nga intelektualët më të mëdhenj të shekullit, Faik Konicës, në Shtetet e Bashkuara të Amerikës. Gjithashtu, në CD e cila është e bashkangjitur me librin, janë prezentuar disa nga fjalimet qenësore dhe kryesore të Fan Stilian Nolit, që I ka mbajtur në raste të ndryshme në ShBA.


Pak fjalë për autorin
Avni Spahiu u lind në Mitrovicë, më 12 mars 1956. Shkollën fillore dhe të mesme e kreu në vendlindje dhe në SHBA.
Studimet i mbaroi pranë Universitetit të Prishtinës në Fakultetin e Filologjisë, në Degën e Gjuhës dhe Letërsisë Anlgeze. Më pas, disa vite punoi si gazetar i të përkohshmes “Rilindja” dhe si korrespondent i kësaj gazete, për katër vite në Nju Jork të SHBA-ve.

Më pas ka punuar si redaktor dhe më vonë si kryeredaktor i gazetës “Bujku” (Rilindja “ e ndaluar). Ndërkohë është marrë me përkthime, me punë publicistike, kulturore e letrare. Ndërkaq, gjatë viteve të nëntëdhjeta mbaroi studimet pasdiplomike në drejtimin e Letërsisë, në Fakultetin e Filologjisë të Universitetit të Prishtinës, ku i ndjek edhe kurset e estetikës, letërsisë botërore, teorive letrare, metodologjisë së punës shkencore, etj.
Pasi mbaroi provimet pasdiplomike, pas luftës mbrojti temën e magjistraturës me temë “Mbi veprimtarinë dhe jetën e Fan Nolit në SHBA”. Njëkohësisht, Avni Spahiu, ka punuar edhe si veprimtar për të drejtat e njeriut, përkthyes i veprave shkencore, letrare, politike, autor i shumë punimeve nga sociologjia e kulturës, kultura, nga reflektimi i historisë shqiptare tek autorët e huaj, i angazhuar në veprimtarinë politike për lirinë e Kosovës, etj.
Pas luftës në Kosovë, autori ka punuar si kryeredaktor dhe drejtor i Televizionit të Kosovës. Aktualisht është drejtor i RTK- Radio ( Radio Kosova dhe Radio Blue Sky).

E pergatiti: Vera Pelaj - Blue Sky

detajet e librit