Më fal pak atdhe   nga Jeton Kelmendi

Doli nga shtypi, libri i katërt me poezi i poetit Jeton Kelmendi, “Më fal pak atdhe”

Jeton Kelmendi u lind më 1978 në Pejë. Shkollën fillore dhe të mesmen I mbaroi në Pejë. Studimet I kreu në Universitetin e Prishtinës. Ka botuar këto vepra: “Shekulli I premtimeve”, Rilindja 1999, “Përtej heshtjes” Faik Konica, 2002, “Në qoftë mesditë” Faik Konica, 2004 dhe libri i fundit i cili u botua këto ditë “Më fal pak atdhe”, Faik Konica, 2005.
Punon dhe jeton në Prishtinë.

Jeton Kelmendi përfundimisht mund të cilësohet si poet në kuptimin e plotë të fjalës. Me librin më të ri “Më fal pak atdhe”, Këlmendi dëshmoi se mem maturi dhe vendosmeri po e ndjek rrugën e poetëve më të mirë. Nga libri në libër, ai ka gdhendur fjalën dhe vargun; është më konciz, më I figurshëm dhe më I thellë. Është poezi e mesazheve të mëdha dhe si e tillë përherë do të ketë lexuesin e vet. Ai tashmë e di si bëhet letërsia, në mënyrë të veçantë poezia si mbretëreshë e saj.

Kështu ka thënë për poezinë e Jeton Kelmendit, Agron Y. Gashi, studiues.

Thotë e s’thotë, fillon e s’mbaron. I mbetet të thotë edhe shumëçka për fjalën e heshtjen, për lulen e gurin, hijen e dritën, bukurinë e dashurinë- dashurinë ndaj vajzës e Atdheut, luftën e paqen – trimërinë e luftëtarit, këngën e shiun; kohën e shkuar e atë që vjen, rrugët historike që nga Iliria, Arbëria, e Çamëriae gjerë e gjatë Rrugëtimit, Atdheut, Lirisë. Në poezi shprehet me një pjekuritë madhe. Ai din të korrespondojë lirshëm dhe fuqishëm po qe nevoja edhe përtej vetvetes në mënyrë që të kapërcejë hijen nëpër natë për t’u përballur e tejkaluar të gjitha vështirësitë dhe sfidat.

Kështu ka thënë Mr. Miradie Ramiqi, për librin e Jeton Kelmendit.


Poezi të shkëputura nga libri I fundit “Më fal pak atdhe”

RITME FILLIMI

Te shkelja e saj

Një fjalë e pathënë
Më thotë diçka

Gur mbi gur
I ngritet kala fjalës

Dikund
Bubullon diçka tjetër
Shikimi ngjitet përpjetë
Rrëzohet pastaj në sytë e saj

E nesërmja rrënjon sot

Messe – Frankfurt, tetor 2004


ÇKA TË THEM

Vajzë – syri, bukë – vargu
Si të duash

Çfarë të shkruaj tani

Do të vijnë të gjitha pamjet
Njërës dua t’I prij

Tevona prej ku duhet nisur
Dikund ra një fjalë
Fjala më ka ku të dojë

Tani çfarë të them.


Prishtinë, janar 2005


NATA KAPËRCEN HIJEN

Enigma
E flet gjuhën e secilit

Te Kroi I Lotit
Ku pinë ujë engjëjt

Nata kapërcen hijen



Përgatiti Vera Pelaj, Radio “Blue Sky”, Prishtinë

detajet e librit